20/8/2011 (Day 2)

 第2日朝早, 也B子同蕎蕎起身先, 不過要等埋另2位小人起身先可以去食早餐~

 冇咩做就叫2位小人做下小MODEL, 影下相~ 

 訓醒果然特別合作, 叫佢地做咩都肯~

 終於2位小人都起埋身~就出發去渡假村餐廳食早餐~

 食飽後先返房執行李, 準備CHECK-OUT~

 CHECK-OUT後, 我地將行李寄存係渡假村, 再CALL車出去外面行下~

 不過都只係係商場行下, 冇咩特別地方去~ 

 之後再入番渡假村, 玩最後一樣活動--畫T-恤~

 對於冇畫畫天份, 又冇創意既我, 最怕係叫我玩呢D野~

 好彩每次問蕎蕎想畫乜都係會答: [米奇!]

 所以, 我只要練習好點畫米奇就可以滿足到佢囉~

 畫完T-恤,我地都要同棕櫚島拜拜啦~

 我地走時又係搭番尋日車我地上黎既7人車~

 佢仲問我地有冇興趣加多少少錢就直接車我地去香港~

 計過數, 同自己搭車差唔多, 但勝在方便, 當然應承啦~

 夜晚我地仲去左松屋食放題~雖然款式唔多, 不過味道唔錯~

 最重要係小人唔駛收錢麻~

 今次既旅程好開心, 雖然唔係好多活動, 玩既野又唔係好特別, 不過已經足夠幾位小朋友玩~

 大人又唔會好辛苦, HEA住玩就最正~

 希望黎緊再有機會4家人再出去玩啦~

19/8/2011 (Day 1)

我地4家人一齊係香港玩就試得多, 今次衝出香港, 向中國出發~

  我地一早出發, 由荃灣搭直通車到達皇崗, 再轉搭棕櫚島既包車入去~

  不過因為係7人車既關係, 我地要分開坐~

 (1) 呢度係CHECK-IN既地方~  (2) 2位女士研究緊亞細虎個口~

(3) 馬騮也B子已經玩到癲左~    (4) 4小人好難得既合照~

 CHECK-IN後, 我地就搭車入別墅啦~

 每次出去或返別墅都要CALL車黎載我地, 我就覺得比較麻煩左少少~

 不過好彩CALL車黎都好快到~

 沿途既風景好靚~

 呢間就係我地入住既別墅啦~好正!

  入邊地方仲好大好靚添~  

 (1) & (2) 係別墅裡面最大間既房~   

  (3) & (4) 係其餘既房, 都好乾淨, 都唔細架~

 (1) 2位女仕最鐘意手拖手行黎行去~   (2) 4小人係樓梯行上行落就已經非常開心~

(3) 蕎蕎唔好甘猴擒先得架~  (4) 也B唔除鞋就走上人地張床

 (1) & (2) 係大廳一樣甘興奮~

  (3) 4小人玩窗簾玩到癲哂~   (4) 蕎蕎: [談情就返房啦!!!]

  放好哂行李後, 我地就出去醫肚啦~

  第一日既午餐同第二日既早餐都係呢度食~

 食物都唔錯,最好食係雞, D菜就麻麻地啦~

 食飽後就帶小人們去放下電~

(1) 康樂設施大樓~    (2)地下既超小型室內遊樂場~

  上2樓有個類似PLAYTOWN既遊樂場~也B媽仲同佢地係波波池玩遊戲添~

  玩左一輪, 襯佢地未放哂電, 我地轉去泳池游水~

  今次游水, 發現蕎蕎開始識踢水, 仲完全唔驚水~

  開頭玩SIR滑梯時, 係水入面我地都要放個水泡, 等佢跳落黎時有個水泡扶住~

  點知玩多幾次後, 佢就要求拎走個水泡~

  一SIR落黎就成個人浸哂落水, 個個都讚佢勁, 攪到佢鬼屎甘開心~

 玩完水後, 我地就返別墅沖身, 然後再比小人們义下電先出去食飯~

 晚飯我地決定唔係渡假村食, 只要同渡假村職員講就會代為叫車~

 佢地仲幫我地叫左架大VAN仔, 可以坐哂4家人添~

 司機先生介紹左呢間餐廳比我地去食晚飯~又的確係平靚正!

 食飽飯後就返渡假村啦~

 途經好多生果檔, 我地派左KYLE媽去買生果~

 佢揀左D好大粒既黃皮, 係香港真係好少見, 仲要好甜添~

 返到去氹小人們訓覺後，大人就落去大廳傾計食生果~

 好HEA甘就過左一日啦~

 (All photos by 也B爸, Thx )  

               (我上台表演囉)

蕎蕎讀緊既幼稚園每年都會去大學會堂開 [聖誕節慶祝會]~

之前見網上既朋友話睇到自己既小朋友表演時好感動, 好緊張, 當時都未感受到~

但當我坐係大學會堂時, 就真真正正感受到個種心情啦~

之前係屋企聽佢唱過幾次, 都有做下動作比我睇, 但當時都半信半疑, 硬係覺得d動作係佢自己作既 ~原來...佢係做啱架喎~

今次蕎蕎呢班係加埋小組班(n1)既小朋友一齊表演, 歌曲名叫:  [聖誕老人來了]

段片較曚, 睇唔清小朋友個樣~唔係好精彩, 不過見佢無發呆企係度, 又有跟住做動作, 我已經好開心了~

(P.S 段片講野把女人聲, 唔係我黎架XD)

24/7/2011

誰家灶頭無薄餅聚會 已經係第4年舉辦, 再次多謝主辦單位「七師奶親子娛樂製作株式會社]~

今年仍然係Fat Angelo's舉辦，地點係銅鑼灣,食物同環境都一流~

去到仍然見到上年既波波池, 但開始好似有D 負荷唔到啦~

 今年小朋友們仲可以當小廚師, 有得DIY PIZZA呢~

整完PIZZA後, 就可以享用午餐啦~

食飽後，就正式開始集體遊戲時間~

第一個遊戲係[自我介紹]~ (咩事笑得甘開心呢?!)

 之後係[收買佬]~ 蕎蕎同米B&MAVIS一組, 仲WIN左添~

 之後仲有[老師話] , [傳乒乓波]~

仲有[矇眼尋親], [bingo]遊戲添~

所有遊戲玩完後, 小朋友們仲得到由MAGGIE姐姐送既珍寶珠做禮物添~

 當日真係非常開心, 再次多謝一班熱心既BLOG友~

 希望出年再見^^

18/6/2011

 彼思動畫25年展覽

 因為蕎蕎鐘意迪士尼既動畫, 所以就黎諗住帶佢去睇下呢個展覽會~

  係門口已經見到好多3隻眼眼, 蕎蕎勁開心, 仲好似馬瘤上身甘, 係甘爬上3隻眼眼身上面

 仲有[怪獸公司]既毛毛~

 [Toy Story]既主角-巴斯&胡迪~

  當然唔少得就快上畫既[反斗車王2] 既麥昆&哨牙0麥啦~

  係門口影完相, 入展覽場地就要收埋相機啦~因為場內唔準影相~但我仍然見有人偷影, 不過最後都被人發現趕出場~

  入場後蕎蕎冇甘興奮啦, 可能未識欣賞~冇咩反應, 仲問幾時走得~

  呢個展覽對佢黎講可能悶左D既, 不過唔緊要啦, 旨在比佢睇多D野0者~唔啱睇就走人囉..