你究竟係喊定笑?!

睇其他人既BLOG時, 睇到好多小朋友初學講野既笑話~

真係好羨慕, 都唔知幾時到我, 黎小姐到2歲時仲係不停講BB話~

終於…係25個月開始, 黎小姐開始黎料啦~

[黎Q]個名點黎........

媽: 你叫咩名呀?

蕎: …………….

媽: 問你叫咩名呀?

蕎: ……………..

媽: 蕎蕎, 人地問你叫咩名時, 你要答人架, 跟我讀: [黎]  蕎: [黎]

媽: [凱] 蕎: [凱]

媽: [蕎] 蕎: [Q]

媽: 甘3個字一齊讀啦~

蕎: 黎Q~

媽: ………………

又食左中間個字~

有日蕎蕎睇電視時, 見到有D佢驚既畫面, 就叫麻麻抱住佢, 過左一陣…..

麻: 麻麻好攰啦, 蕎蕎自己坐好唔好~

蕎: 好好~

跟住佢自己抱住虎虎一齊坐, 又過左一陣…

蕎: [虎虎呀, 蕎蕎攰攰啦, 你自己坐好唔好?]

媽: 蕎蕎, 媽媽買左隻新餅餅比你食呀, 好唔好味呀?!

蕎: 好好味呀~

媽: 隻餅餅叫[OREO]呀~

蕎: (成口餅) [痀尿O]

第2日, 蕎蕎同我講: 我要痀尿呀、痀尿呀~

媽: 又痀?!啱啱去完咋喎, 你又玩媽媽?!

蕎: (笑笑口指住我個袋)我要痀尿呀, 痀尿呀…

媽: 哦..你要食[OREO]呀?!

蕎: (笑住尷尬點頭)

媽: WAKAKAK….叫做[OREO], 唔係[痀尿呀]

蕎: (開心係甘跳) 痀尿呀..痀尿呀….

當佢玩緊時我唔覺意禁到個MON…..

蕎: 咦~~~~~麻煩~~~~~~~~

媽: 你講咩話?

蕎: (斜啤加奸笑甘望住我) 麻…煩~~~~~~~~~

蕎: 麻麻沖完涼啦~

麻: 係呀~

蕎: 殊!!唔好嘈呀, 爺爺攪豬呀~

媽: 麻麻邊有嘈0者, 係你自己頭先走入去攪爺爺之麻~

蕎: 哇哈哈哈…唔好嘈呀…唔好嘈呀..爺爺攪豬呀….哈哈哈…

媽: 最嘈就係你!!!